Spilaleikur, ná í staf og skrifa – paraleikur

Námsmarkmið

Tengja saman staf og hljóð

Áhöld

Leikhringir, bókstafir, skrifspjöld, tússpennar,

Undirbúningur

Stórum leikhringjum sem notaðir eru sem vinnusvæði barna er dreift um svæðið annað hvort i hring eða tvær línur. Einn nemandi fer í hvern leikhring og hver nemandi er með skrifspjald fyrir framan sig. Stafir eru settir í leikhring eða fötu í miðjuna, jafn langt frá vinnusvæðum allra nemenda.

Framkvæmd

Tveir nemendur sem eru með vinnusvæði hlið við hlið vinna saman. Annar nemandinn skrifar staf á skrifspjald, sýnir hinum og segir honum hvaða ferðamáta hann eigi að nota til að ná í stafinn sem var skrifaður á spjaldið.