Finnum týnda hljóðið

Námsmarkmið

Æfa hljóðatengingu og hljóðagreiningu.

Áhöld

Leikhringir, pönnukökur eða keilur, spjöld með orðum sem í vantar hljóð sbr. M _ S.   Skrifspjöld og töflutússpenna.

Fleiri orðaspjöld er að finna undir skjöl til prenntunar.

Undirbúningur

Stórum leikhringjum sem notaðir eru sem vinnusvæði barna er dreift um svæðið, helst í stóran hring. Einn nemandi í hvern hring. Pönnukökum eða keilum er dreift um svæðið og undir þær eru settir stafir(hljóð) sem vantar í orðin sem nemendur vinna með.

Framkvæmd

Kennarinn lætur nemendur fá spjöld með orðum sem í vantar hljóð sbr. M _ S. Nemendur eiga að nota ákveðinn ferðamáta og ferðast um svæðið, kíkja undir pönnukökurnar eða keilurnar og finna stafi sem vantar inn í orðið sem unnið er með. Þegar þeir finna stafinn sem vantar t.d. Ú þá fara þeir með hann á vinnusvæðið, setja hann bilið sem vantar og skrifa svo orðið á skrifspjaldið. Nemendur sýna kennaranum og fá nýtt orð hjá honum.

Athugið! Nemendur geta verið að vinna með ólík og misþung orð.