Spilaleikur, rímbingó
Námsmarkmið
Tengja saman orð og orð sem ríma eða mynd og mynd sem ríma. Dæmi: Hestur og prestur.
Áhöld
Leikhringir og bingóspjöld með orðum og myndum sem ríma sbr. spjöld á www.leikuradlaera.is
[Létt rím, hástafir] [Létt rím, lágstafir] [Erfiðara rím hástafir] [Erfiðara rím lágstafir]
Undirbúningur
Stórum leikhringjum sem notaðir eru sem vinnusvæði barna er dreift um svæðið annað hvort i hring eða tvær línur. Einn nemandi vinnur í hverjum hring Miðar með orðum eða myndum sem ríma eru settir í miðjuna, jafn langt frá vinnusvæðum allra nemenda. Bingóspjöld eru lögð i leikhringina hjá nemendum. Hver nemandi með eitt spjald.
Framkvæmd
Nemendur nota ákveðna ferðamáta til að ná í miðana með orðunum eða myndum í miðjuna. Einn miða í einu. Nota sama ferðamáta og fara með hann til baka og prófa hvort að hann passi við mynd eða orð á bingóspjaldinu í leikhringnum/vinnusvæðinu. Ef orðið eða myndin rímar við mynd áeða orð á bingóspjaldinu fer nemandinn tómhentur til baka og nær í nýjan miða með nýju orði eða mynd. Ef orðið eða myndin passar ekki við neitt þá fer nemandinn með orðið eða myndina til baka, skilar því og nær í nýjan miða með nýju orði eða mynd.
Afbrigði
Þegar allir nemendur hafa fyllt út bingóspjaldið þá skila þeir miðunum með orðunum aftur í miðjuna. Skilja bingóspjaldið eftir og færa sig á næsta vinnusvæði sem er með nýju bingóspjaldi með nýjum myndum.
Skriflegt verkefni sem á við verkefnið.
Nemendur skrifa rímorðin sem verið er að æfa. Ef spjöldin eru plöstuð þá er hægt að láta nemendur skrifa ofan í orðin með töflutússi. Einnig er hægt að láta þau fá skrifspjöld til að skrifa orðin á.