All Posts By

kristin

Grunnnámskeið fyrir leikskóla 5. nóvember!

Með | Viðburðir

Grunnnámskeið Leikur að læra verður haldið þriðjudaginn 5. nóvember 2019.
Á námskeiðinu er kennt hvernig hægt er að samþætta leiki og hreyfingu við bóklegt nám barna á einfaldan hátt. Námskeiðið er einstaklega hagnýtt og auðvelt að nýta sér hugmyndir strax að námskeiði loknu.

Hvar: Íþrótta- og ólympíusambandi Íslands, Engjavegi 6.

Hvenær: Þriðjudaginn 5. nóvember kl.8.30 – 12:00
Verð: 9500.-
Skráning og nánari upplýsingar: kristin@lal.is, sími 8990768.

Útinám er leikur einn!

Með | Fréttir og fræðsla

Föstudaginn 11. október var Leikur að læra ráðstefnan haldin í fjórða sinn. Að þessu sinni var áhersla lögð á útinám og heiti ráðstefnunnar var Útinám er leikur einn! Rúmlega 400 kennarar tóku þátt í 16 vinnustofum í yndislegu umhverfi Garðyrkjuskólans að Reykjum í Hveragerði. Ævintýralegt umhverfi, faglegar vinnustofur og frábærir þátttakendur gerðu daginn heldur betur eftirminnilegan. Hægt var að velja um vinnustofur á borð við; Náttúrustígur, Skýli og skjól, Hreyfing og jóga, Fjölbreyttar útistöðvar, Skógurinn og blandaður aldur, Útinám þarf ekki að kosta mikið, Útikennslubakpokinn, Outdoor journey, Núvitund með börnum, Færni til framtíðar, Útikennslustöðvar á leikskólalóðinni, Tálgun, Hvernig vaxa plöntur og Leikur að læra.  Það er greinilega mikill áhugi á ráðstefnu um útinám og við munum örugglega standa fyrir slíkri ráðstefnu aftur. Við viljum þakka nemendum í 10. bekk í Grunnskóla Hveragerðis fyrir frábæra aðstoð við að vísa þátttakendum á veginn.

Leikur að læra þakkar öllum sem komu á ráðstefnuna fyrir skemmtilegan dag😊

 

Play To Learn More á Norður Írlandi!

Með | Fréttir og fræðsla

Kierna Corr leikskólastjóri á Norður Írlandi kynntist Leikur að læra í febrúar á námskeiði hjá STPM og hefur nýtt sér það mikið með sínum nemendum. Það er gaman að sjá hvernig hún nýtir sér hugmyndafræðina og segir að það sé algjörlega út fyrir boxið hjá henni að leyfa nemendum að klifra upp á borðum! Hún hefur ekki úr miklu plássi að spila en nýtir það vel og á skemmtilegan hátt í þrautabrautum eins og sjá má á myndunum.

LAL í Gdansk!

Með | Fréttir og fræðsla

Það er alltaf gaman að fá tækifæri til að vinna með börnum í ólíkum löndum. Börn eru alls staðar eins – elska að leika og gleyma sér við að læra og leika. Kennarar fá tækifæri til að sjá hvernig hægt er að beita aðferðinni í sinni eigin kennslustofu.  Í þessum fína leikskóla sem er í miðborg Gdansk hafa kennarar nánast ekkert útisvæði til að vinna með en þessar rúmgóðu kennslustofur bjóða upp á endalausa möguleika á námi í gegnum leik og hreyfingu.

Meistaraverkefni – rannsókn á LAL!

Með | Fréttir og fræðsla

Hlín Hilmarsdóttir gerði meistaraverkefni sitt til M.Ed-gráðu frá HÍ. Hún gerði rannsókn á samþættingu hreyfingar og stærðfræði með aðferðarfræði Leikur að læra. Tveir hópar 4ra og 5 ára nemenda fengur kennslu í hreyfingu og stærðfræði þar sem dæmigerð LAL uppbygging var notuð í 12 kennslustundunum yfir 6 vikur.
Niðurstöðurnar benda m.a. til þess að nemendurnir hafi bæði tekið líkamlegum og vitsmunalegum framförum á einungis 6 vikum auk þess sem aðferðin jók úthald nemenda og kom til móts við einstaklingsbundnar þarfir bæði líkamlegar og vitsmunalegar.
Við óskum Hlín innilega til hamingju með áhugavert verkefni.

Reykjakot kynnti Leikur að læra á ráðstefnu í Riga!

Með | Fréttir og fræðsla

Í lok mars fóru nokkrir kennarar af Leikur að læra leikskólanum Reykjakoti  til Riga á ráðstefnuna Responsible lifestyle á vegum Nordplus. Reykjakot hefur verið þáttakandi í þessu verkefni og hefur það gefið þeim tækifæri til að skoða ákveðna þætti í lífi og starfi.  Þau voru með fyrirlestur um Ábyrga líðan(Responsible wellbeing) sem Þórunn Ósk leikskólastjóri flutti og  kennarar Reykjakots stýrðu Leikur að læra vinnustofu sem var streymt beint á netinu!  Á ráðstefnunni voru í kringum 200 kennarar og starfsfólk  CreaKids frá Noregi og Lettlandi.

Þrautabrautir í litlu rými!

Með | Fréttir og fræðsla

Pláss eða plássleysi er aldrei afsökun fyrir því að leyfa nemendum ekki að njóta þess að  læra í gegnum leik og hreyfingu!  Ertu með hressa og orkumikla nemendur sem þurfa sitt rými?? Þá er þrautabraut örugglega góður kostur. Á Leikur að læra leikskólanum Gimli, Reykjanesbæ eru þau snillingar í að útbúa brautir þar sem allir eru virkir í námi og leik. Voru að setja inn fræðslu um þrautabrautir á innri vefinn okkar. Njótið vel!

Útikennsluráðstefna – námskeið! 11.október 2019!

Með | Viðburðir

Fjórða árið í röð verður Leikur að læra dagurinn haldinn fróðlegur og  hátíðlegur! Þetta árið er áherslan lögð á útikennslu og ætluð öllum kennurum og starfsfólki 2-10 ára barna. Dagurinn er blanda af ráðstefnu og námskeiði þar sem allir geta sótt spennandi örnámskeið og málstofur við hæfi og áhuga.  Viðburðurinn verður haldinn í yndislegu umhverfi  Garðyrkjuskólans í Hveragerði þar sem notaleg inni og útisvæði skólans verða nýtt á skemmtilegan og spennandi hátt!!  Innlendir og erlendir kennarar fræða okkur um  útinám barna í gegnum leik og hreyfingu  sem verður speglað í umhverfisvernd, endurvinnslu, núvitund og fleira. Alltaf með snertifleti við námsmarkmið þarfir nemenda og Aðalnámskrár. Ráðstefnan er ætluð öllum kennurum 2 – 10 ára barna og starfsfólki skóla.
Nánari dagskrá verður auglýst síðar. Ráðstefnan verður frá klukkan 10:00 til 15:00.

Upplagt fyrir skemmtilegan starfs- og endurmenntunardag fyrir skóla!

Sjá nánar á: https://leikuradlaera.is/radstefna-2/

Kennum börnum í gegnum leik, hreyfingu  og skynjun – ÚTI!

 

 

Smart Teachers Play More námskeið í Reykjavík!

Með | Fréttir og fræðsla

Síðastliðna viku voru 24 kennarar frá 9 evrópskum löndum stödd á Smart Teachers Play More námskeiði í Reykjavík. STPM er samvinnuverkefni Smart English og Play To Learn More og er liður í Erasmus+.  Þátttakendur fræddust um Leikur að læra og fleiri skapandi kennsluhætti. Mikið var hlegið, leikið og sprellað! Eins og slagorð STPM segir: Inspire to be inspired!

Grunnnámskeið 27.febrúar 2019

Með | Viðburðir

Miðvikudaginn 27.febrúar 2019 kl. 8:30 – 12:00 verður næsta Leikur að læra grunnnámskeið fyrir leikskóla.

Á námskeiðinu er farið í gegnum grunnhugmyndir Leikur að læra um það hvernig hægt er að samþætta leiki og hreyfingu við bóklegt nám barna á einfaldan hátt. Það er eðli barna að leika og  hreyfa sig  og mikilvægt að nýta sér það markviss í námi ungra barna. Námskeiðið er einstaklega hagnýtt og auðvelt að nýta sér hugmyndir strax að námskeiði loknu. Námskeiðið er sérsniðið að leikskólastarfsfólki.

Námskeiðið er hugsað fyrir allt starfsfólk sem vinnur með börnum og verður haldið í Síðumúla 29.

Skráning og nánari upplýsingar: Sími 8990768, Kristín

https://leikuradlaera.is/namskeid-og-studningur/