kristin

Leikur og læra hefur að hluta til sameinast  Smart Teachers Play More.

Smart Teachers Play More býður upp á endurmenntun fyrir erlenda kennara á Íslandi. Þar er hugmyndafræði Leikur að læra, um nám í gegnum leik og hreyfingu í höfð að leiðarljósi. Leikur að læra býður að auki upp á námskeið fyrir íslenska kennara, í skólum eða netnámskeið.

Við fögnum þessu samstarfi því markmið Leikur að læra er að mennta eins marga kennara og mögulegt er í hugmyndafræðinni til þess að enn fleiri börn fái tækifæri til að upplifa nám í gegnum hreyfingu og ólík skynfæri.

Vorum gefa út þessi fallegu spjöld með ferðamátum. Teikningar eftir Ragnheiði  Jónsdóttir. 28 spjöld með mismunandi ferðamátum fyrir hressa krakka. Henta vel  á margvíslegan hátt í Leikur að læra- og í almennum hreyfistundum.  Hægt er að setja spjöldin í teninga eða nota ein sér. Spennandi efniviður fyrir kennara og nemendur. Hægt að er að kaupa spjöldin og tening hjá kristin@lal.is

Meira nám í gegnum leik og hreyfingu í þinn skóla? Leikur að læra býður upp á innleiðingaferli í leikskóla þar sem kennarar fá góðan stuðning frá starfsfólki LAL. Við komum í þinn skóla með grunnnámskeið sem er fylgt eftir með heimsókn í vinnu með börnum. Starfsfólki gefst þannig tækifæri að fylgjast með og spreyta sig á aðferðarfræðinni í raunverulegum aðstæðum! Hlökkum til að koma í þinn skóla.

Í skjalinu hér að neðan eru nánari upplýsingar um það sem er í boði.

Undanfarin ár hefur Leikur að læra lagt áherslu á ákveðna þætti í skólastarfi. Skólaárið 2020 – 2021 mun athyglinni verða beint að félagsfærni!  Kennsluaðferðin býður upp á óteljandi möguleika í kennslu og þjálfun á ólíkum þáttum í félagsfærni hjá börnum. Eins og við segjum þá er Leikur að læra -ein með öllu!! Börn fá að upplifa alla þætti leikskólastarfsins í gegnum leik og hreyfingu! Vilt þú fá að vita meira? Hafðu samband og fáðu 90 mínútna námskeið í þinn skóla.

Nú eru margir foreldrar heima með börnunum sínum.  Leikur að læra ætlar að  koma með skemmtilegar hugmyndir af því hvað við getum gert með þeim til að stytta okkur stundir og lært í leiðinni!  Við höfum fengið til liðs við okkur Berglindi Ýr dansara og LAL kennara til að gera Leikur að læra  leiki og þrautir með syni sínum. Fylgið okkur á Facebook eða Instagram. Gaman væri ef þið sýnið okkur hvað þið eruð að gera heima með því að tagga okkur @leikuradlaera. Góða skemmtun.

Föstudaginn 11. október var Leikur að læra ráðstefnan haldin í fjórða sinn. Að þessu sinni var áhersla lögð á útinám og heiti ráðstefnunnar var Útinám er leikur einn! Rúmlega 400 kennarar tóku þátt í 16 vinnustofum í yndislegu umhverfi Garðyrkjuskólans að Reykjum í Hveragerði. Ævintýralegt umhverfi, faglegar vinnustofur og frábærir þátttakendur gerðu daginn heldur betur eftirminnilegan. Hægt var að velja um vinnustofur á borð við; Náttúrustígur, Skýli og skjól, Hreyfing og jóga, Fjölbreyttar útistöðvar, Skógurinn og blandaður aldur, Útinám þarf ekki að kosta mikið, Útikennslubakpokinn, Outdoor journey, Núvitund með börnum, Færni til framtíðar, Útikennslustöðvar á leikskólalóðinni, Tálgun, Hvernig vaxa plöntur og Leikur að læra.  Það er greinilega mikill áhugi á ráðstefnu um útinám og við munum örugglega standa fyrir slíkri ráðstefnu aftur. Við viljum þakka nemendum í 10. bekk í Grunnskóla Hveragerðis fyrir frábæra aðstoð við að vísa þátttakendum á veginn.

Leikur að læra þakkar öllum sem komu á ráðstefnuna fyrir skemmtilegan dag?

Kierna Corr leikskólastjóri á Norður Írlandi kynntist Leikur að læra í febrúar á námskeiði hjá STPM og hefur nýtt sér það mikið með sínum nemendum. Það er gaman að sjá hvernig hún nýtir sér hugmyndafræðina og segir að það sé algjörlega út fyrir boxið hjá henni að leyfa nemendum að klifra upp á borðum! Hún hefur ekki úr miklu plássi að spila en nýtir það vel og á skemmtilegan hátt í þrautabrautum eins og sjá má á myndunum.